Codecademy, чија цел е да ги научи корисниците да програмираат и пишуваат код, претстави нов редизајниран сајт со кој сака да продолжи да расте и да го подобри брендот. Редизајнот доаѓа по неколку годишно поправање на сегменти од сајтот, па „сега конечно е дојден моментот за редизајн“. Редизајнот е искористен и за дефинирање на палета од бои и фонтови за Codecademy. Се разбира дека сега сајтот е повеќе оптимизиран и за останатите платформи. Дел од досегашните посетители на сајтот ќе забележат дека Codecademy сега има и ново лого, а редизајнирани се и иконите и симболите.
Освен графичките детали Codecademy воведува и нова функција Codebits со која корисниците ќе можат да ги споделат своите проекти со остатокот од заедницата. Идејата за Codebits е всушност уште поголема и треба да послужи како своевидно портфолио за работодавачите. Сервисот овозможува на корисниците да се запознаат со HTML и CSS, jQuery, JavaScript, PHP, Python и Ruby. Овие курсеви се разбира и понатаму се достапни, па без разлика дали сте почетник кој ќе ги посетува курсевите или доколку имате пообемно познавање од програмирање можете и да помогнете со споделување на вашето знаење.
[youtube]hn5Hlusj6Nc[/youtube]
