Бразилското Собрание донесе одлука со која Интернет е основно човеково право. Според новата легислатива, Бразилците имаат права на еднаков пристап до Интернет и на заштита на приватноста, јавува Reuters. Законот е донесен едногласно, со поддршка на бразилската претседателка Дилма Русеф која беше најголем критичар на прислушувањата на американската NSA и злоупотребата на приватноста.
Законот е наречен „интернет Устав“ и е поздравен од повеќе од експерти од кој најголем секако е креаторот на светската мрежа, Тим Бернерс-Ли, кој го пофали законот поради баланс на правата и задолженијата на корисниците, владите и коорпорациите истовремено овозможува Интернет да биде слободен и децентрализиран.
Законот предвидува дека информациите за граѓаните и покрај тоа што се чуваат во сервери надвор од Бразил, кога е во прашање законот ќе бидат под бразилската легислатива. Ова значи дека и компаниите како Google, Facebook, Youtube, Apple и Microsoft ќе мораат да ги почитуваат кога се во прашање државјаните на Бразил. Бразил се откажува од идејата со која првенствено мислеше сите компании кои се заинтересирани за работа во државата да ги примора да отворат дата центри во Бразил каде ќе ги чуваат податоците.
