Chrome OS сега изгледа повеќе како Windows отколку како прелистувач

Google ја претстави најновата верзија за програмерите на својот оперативен систем Chrome која го има најновиот редизајн на интерфејсот.

Тоа што е ново е што сега Chrome OS повеќе изгледа како оперативен систем, отколку како прелистувач што многумина првично мислеа, вклучувајќи го и ко-основачот на Google, Сергеј Брин, дека идејата е да го вметне овој ОС во ноутбукови и лаптопи кои ќе служат само за прелистување на веб сајтови и ќе се користат само веб апликации, наспротиви инсталирање на традиционален софтвер за кој е потребно малку подобра машина да се стартува.

Но, таа идеја за ОС и прелистувач се чини дека не ги задоволува амбициите на Google. Новиот Chrome OS има Launchpad за стартување на апликации, налик на тој на Mac OS X, и „shelf”, како што Google го нарекува таскбарот налик на тој на Windows.