Четири хрватски и една српска компанија се помеѓу 50 најбрзо растечки технолошки компании во Централна Европа и се добитници на Deloitte Technology Fast 50 Central Europe наградите, јавува Netokracija.
Српската компанија која работи на дигитално процесирање на сигнали Bitgear Wireless Design Services е на второто место со раст од 1.872 отсто во последните пет години; хрватската компанија за финансиски трансакции Webteh се наоѓа на шестото место, додека нивните колеги Infinum, кои развиваат мобилни и веб апликации, се на десетото место. Во топ 50 се и Pet Minuta и Mono исто така од Хрватска.
На првото место е румунската туристичка агенција Vola.ro, која, според основачот Данил Труика, има за цел да се рашири интернационално и тоа со освојување на Азискиот пазар, поточно Виетнам, и другите пазари во развој кои ќе растат побрзо во блиска иднина.
На настанот се доделија и Big Five награди за регионални копании кои се преголеми за споредба со растечките помали конкуренти. Добитници се GOCLEVER од Полска, Internet Shop од Чешка, TeamNet од Романија, ESET од Словачка и eSKY од Полска. Целата листа може да ја погледнете тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
