Со новата недела, доаѓа и нов потенцијал за исполнителни гејминг сесии. Во случај да сакате невообичаени стратегии каде акцентот е на невообичаени механики за собирање ресурси, невообичаено, но визуелно-импресивно градење, како и невообичаени војни експанзии тогаш играта на Томас е само за вас!
Bulwark: Falconeer Chronicles е една од најуникатните стратегии кои имаме заиграно. Позајмувајќи елементи и од City Builder жанрот, соло девелоперот Томас Сала се има погрижено да понуди оригинални можности за градење во отворен свет.
Bulwark: Falconeer Chronicles е една од ретки игри кои алудира на креативна реализација од секој можен поглед. Да се хаотично гради во ограничени и, навидум невозможни места се чини како крајно свежа и флуидно реализирана идеја.
Градите градови на карпи и мали планински места, поврзувајте ги со креативно осмилени мостови, патишта и кули и восхитувајте се на преубаво осмислениот дизајн кој се протега низ зашеметувачко-огромен океан исполнет со митови и скриени опасности.
За да можете да градите во Bulwark: Falconeer Chronicles, потребно е да собирате ресурси, да го проширувате вашето население, како и да го освојувате воздушниот простор со импозантни воздушни бродови и џиновски воени птици.
Bulwark: Falconeer Chronicles можеби изгледа преубаво, но тоа никако не значи дека играта е лесна. Потребно е многу време за да се поубаво запознаете со клучните механики кои се ретко видени во некоја друга игра. Тука е и можноста за создавање патишта за трговија, создавање кршливи сојузи со бројните фракции, но и регрутирање можни капетани и командири. Сите овие работи се одлично осмислени за преку контролер. Управувањето е флуидно, лесно и брзо.
Пред да ја купите играта, би сакале да ве советуваме да го проверите првин демото за да видите дали ќе можете да се пронајдете во уметничката реализација на Томас.
Повеќе детали за играта
- Произведува: Tomas Sala
- Издава: Wired Productions
- Жанр: city builder, стратегија
- Платформа: Microsoft Windows, конзоли
- Излезе на: 26 март 2024
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
