Оваа недела по 254 дена без Влада, Бугарскиот парламент ја избра новата Влада на Бугарија. Она што е поинтересно е дека новоизбраниот министер за е-Влада – Божидар Божанов е 40-ти на листата на Stack Overflow и со ова е во 0.01% од корисниците на платформата.
Stack Overflow…
Stack Overflow e веб-сајт/платформа за прашања и одговори. Фокусот на платформата се програмерите и тоа многу широк спектар, практично сите програмски јазици и технологии се присутни на платформата.Рангот за кој станува збор е своевидна претстава на репутација и се базира на поени кои ги добива секој корисник на Stack Overflow кога ќе добие глас на некое прашање или на одговор на прашање. Оваа оценка (ранг) треба да биде показател колку заедницата верува на одговорите, како комуницира контрибуторот, и точноста и квалитетот на одговорот.
Платформата има над 16 милиони регистрирани корисници, над 22 милиони прашања и над 33 милиони одговори. Најчесто дискутирани области се JavaScript, Java, C#, PHP, Android, Python, jQuery и HTML. Секој ден Stack Overflow има 12 милиони посети и добива над 5 700 прашања.
На 2 јуни 2021 Prosus ја купи платформата за 1,8 милијарди долари.
Bozho на Stack Overflow има 137 златни значки, 1039 сребрени значки и 1128 бронзени значки, а неговите 5614 одговори стигнале до 91,5 милиони корисници. Најголем дел од поените ги добил за програмскиот јазик Java, што е и разбирливо со оглед на тоа дека е сениор јава програмер.
„Доаѓа од мојот град. Заедно учевме во основно училиште, потоа во средно беше пријател со мои другари. Само што зборувавме како во првата година програмирање требале да нацртаат едноставна слика во Pascal, а Божо креирал цела игра со две човечиња кои се борат“, вели корисникот со име sabotourAssociate на Reddit.
Божидар Божанов е роден на 19 август 1987 во Бургас, Бугарија. Студирал на Универзитетот во Лондон, а магистерски студии завршил на Goldsmiths College. Од 2016 до 2020 бил советник во Владата како дел од тимот кој ја изработил стратегијата за е-Владата. Основач е на: https://logsentinel.com/ (LogSentinel SIEM), платформа за онлајн приватност и заштита на податоци; https://logsentinel.com/sentineldb (складиште на податоци прилагодено на GDPR); http://computoser.com (софтвер за алгоритамско генерирање на музика)
„Носењето закони е речиси како програмирање (со таа разлика што не го регулира однесувањето на компјутерот, туку го регулира јавниот живот, ова е многу покомплексно и поважно). Веќе имам пристојно искуство со носење закони, а пишувањето подобри, попрецизни и подобри „дигитални“-закони е нешто што сакам да го правам и сметам дека е важно“, вели Божанов на својот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
7 коментари
Loading new replies...
- Дали сметате дека програмерите имаат добри предиспозиции за јавна функција?
И за министер за здравство се бира доктор по медицина насекаде низ светот, па последните 2 години убаво ни покажаа шо се знаат да му направат на народот за тие пусти пари и власт.
Зошто со програмерите би било поинаку?
Бранко во Еден на Еден имаше еден исечок каде што го збори сето она што јас го мислам за системот наш распаднат. Не мора да значи дека не може да се промени но проблемот е тој. Видеото е тука.
Човеков буквално од А до Ш ја кажа вистината.
Така да еве и кај нас и да стават некој што е ентузијаст, ИТ, нај нај човек за таа функција, другите ќе го саботираат и нема да може да претне, или едноставно ќе го лимитираат.
Ќе земам мал пример (да избегнеме политика само): Градоначалникот на Гостивар кој не од партии од власта, имаше убави идеи кои лесни беа за реализација. Кога победи сите ингеренции власта му ги зема и мораше секоја инвестиција или било каква активност која е од корист за граѓаните да мора да биде потпомогната од донации (од Турција).
Познавате до сега некој кој бил на функција а да си ја вршел работата за кој што бил назначен?
Бранко во Еден на Еден имаше еден исечок каде што го збори сето она што јас го мислам за системот наш распаднат. Не мора да значи дека не може да се промени но проблемот е тој. Видеото е тука.
Човеков буквално од А до Ш ја кажа вистината.
Така да еве и кај нас и да стават некој што е ентузијаст, ИТ, нај нај човек за таа функција, другите ќе го саботираат и нема да може да претне, или едноставно ќе го лимитираат.
Ќе земам мал пример (да избегнеме политика само): Градоначалникот на Гостивар кој не од партии од власта, имаше убави идеи кои лесни беа за реализација. Кога победи сите ингеренции власта му ги зема и мораше секоја инвестиција или било каква активност која е од корист за граѓаните да мора да биде потпомогната од донации (од Турција).
Познавате до сега некој кој бил на функција а да си ја вршел работата за кој што бил назначен?
и да се најде начин да смениш нешто во системот, ќе го направат дека не е легално така :)
Бранко во Еден на Еден имаше еден исечок каде што го збори сето она што јас го мислам за системот наш распаднат. Не мора да значи дека не може да се промени но проблемот е тој. Видеото е тука.
Човеков буквално од А до Ш ја кажа вистината.
Така да еве и кај нас и да стават некој што е ентузијаст, ИТ, нај нај човек за таа функција, другите ќе го саботираат и нема да може да претне, или едноставно ќе го лимитираат.
Ќе земам мал пример (да избегнеме политика само): Градоначалникот на Гостивар кој не од партии од власта, имаше убави идеи кои лесни беа за реализација. Кога победи сите ингеренции власта му ги зема и мораше секоја инвестиција или било каква активност која е од корист за граѓаните да мора да биде потпомогната од донации (од Турција).
Познавате до сега некој кој бил на функција а да си ја вршел работата за кој што бил назначен?
Многу убаво си објасни човекот.
Меѓу другото, ништо не можеш сам, ако тие што ги носиш со тебе или што ти се наследени се неспособни, џабе ти е ти да си најпаметен и најдобар.
Proxiad SEE 
