Нов ден нова друштвена мрежа! Група евангелисти од Бразил креираa друштвена мрежа за христијани на која нема да има можност за пцости и еротска содржина, јави BBC. Името на друштвената мрежа е Facegloria и според основачите веќе привлекле над 100.000 членови. Мрежата има листа од 600 зборови кои се цензурираат, а копчето „ми се допаѓа“ е заменето со „Амин“. Во моментов мрежата подржува единствено португалски, но наскоро се најавени нови јазици.
Сепак Facegloria, не е првата друштвена мрежа која се обидува да привлече корисниции со слична верска определба. Ummaland е друштвена мрежа за муслимани која веќе има 329 милиони членови. Unmaland овозможува поголема приватност за жените и нов исламски цитат секој ден.
Сепак мрежите треба да имаат простор за различно мислење, дебата и дискусија. Групирање на луѓе со исто мислење можеби е примамливо за верниците, и идејата за друштвена мрежа без навреди звучи подобро од рандом тролање на интернет. Но, иако преку друштвените мрежи се поврзувате со вашите пријатели, сепак мрежите се повеќе стануваат место каде може да се најдат куп информации и нови содржини. Затоа и „висиме“ на мрежите по цел ден.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
