Се чини дека можностите на паметните брави нема да им го олеснат животот на крадците на возила. Неодамна полицијата од Сиетл, САД го заклучи крадецот на BMW во возилото додека истиот мирно спиел во него.
Најпрво BMW го пронајде возилото и ја испрати неговата локација до полицијата. Потоа како во сцена од комедија полицијата дошла и го разбудила крадецот, кој се разбуди обиколен од полиција.
„Крадецот се разбуди во украдениот автомобил, но компанијата далечински го заклучи возилото.“, јави CNET.
BMW не само што може да ги заклучува вратите, туку може и да ги активира звучниците и да испрати порака преку нив. Германскиот производител објасни дека можат да ја отклучат или заклучат вратата доколку се појави потреба.
Можеби во иднина со автономните возила, крадецот не само што ќе биде заклучен во возилото туку и ќе биде префрлен до полициската станица.
