Facebook, Twitter, TikTok. Ова се едни од апликациите кои најчесто го привлекуваат нашето внимание и негативно влијаат на нашата продуктивност.
AppBlock е апликација за iOS и Android, а се испорачува и како екстензија за прелистувачот Chrome. Целта на апликацијата е едноставна и се залага да го отсече вашиот пристап до непродуктивните апликации и веб сајтови кои вампирски го цицаат слободното време.
Откако ќе ја инсталирате апликација, можете да одберете кои апликации и веб сајтови да бидат блокирани и на колку време, односно во кои денови. Тоа значи дека не само што не можете во тој период им пристапите на апликациите туку и нема да добивате известувања од нив.
Секојпат кога ќе се „збуните“ и ќе пробате да отворите апликација ќе добиете кратки статистички податоци како колку пати сте ја отвориле апликацијата и совети за подобро искористување на времето. По истекување на времето апликациите ќе бидат отклучени и ќе можете повторно да ги користите.
Нормално, моќта е во вас и доколку сакате инстантно можете да одблокирате се, но поентата со апликацијата е да практикувате само контрола и да не дозволите така лесно да паднете во искушение.
AppBlock дефинитивно делува како интересно решение и за помладите ученици на кои може на овој начин да им се врзат рацете за да поефикасно се посветат на учењето, а не на константно изложеност на несоодветни TikTok видеа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
