Откако ги сподели првите упатства за девелоперите на Project Ara, сега Google му дозволи на Verge да влезе во лабораториите во кои се развива „направи-си-сам“, и да објави видео во кое се објаснува дел од технологијата, модификациите, изгледот на телефонот, но и зошто компанијата се одлучи да ја употреби филозофијата на Darpa кога е во прашање новиот телефон. Мантрата на Darpa e дека секој проект мора да заврши со презентација на прототип и објаснување на предностите и ризиците, наместо PowerPoint-презентација.
Засега Project Ara останува прототип, но се очекува да се продава од 2015-та година, и, со оглед на тоа дека чини 50 долари да се направи, цената би се движела од 100 до 500 долари за high-end уред.
