Сем Алтман од Y Combinator е заинтересиран за развој на blockchain што ќе може да им помогне на луѓето да инвестираат во стартапи.
„Нѐ интересира како компании како Y Combinator, може да користат blockchain да го демократизираат инвестирањето. Треба да пронајдеме начин за ова“, вели Сем Алтман, на Disrupt SF.
Еден од начините на кој ова се овозможува е Initial Coin Offering (ICO). Односно, дел од новоиздадена криптовалута им се продава на инвеститорите во замена за законска исплата или за други крипто-валути.
„Во моментов ICO е балон, но има нешто зад тоа, токму ова е причината што паметните луѓе се фасцинирани.
Дали сметам дека ICO се глупост, што се граничи со измама? Да. Но, има неколку кои се важни, а blockchain е многу важна… ICO мора да бидат регулирани“, вели г. Алтман.
Што се однесува пак до активностите на Y Combinator, г Алтман откри дека акцелераторот преку онлајн акцелерациската програма минатата година стасал до 3.000 стартапи. Токму оваа програма е дел од она што Y Combinator сака да го прошири, и во иднина да стаса до уште повеќе стартапи.
