BlackBerry 10 ќе има длабока интеграција со Evernote

Новиот оперативем систем на Research in motion – закажан за во јануари 2013-та – ќе има длабока интеграција со веб сервисот за фаќање белешки Evernote. Ова беше откриено во софтверските алатки за BlackBerry 10, пуштени за да може програмерите навремено да развијат апликации.

Апликацијата ќе има опција Notebooks преку која корисниците ќе можат да организираат белешки во одредени фолдери и според теми. Покрај ова, ќе може да се бележат имејлови, контакти, календари, обележани веб страни, аудио и други работи што им дозволува Evernote на своите 45 милиони корисници. Ќе може и да се синхронизира Evernote со BlackBerry, односно да се префрлат забелешки од претходно отворениот Evernote профили.

RIM продолжува да губи дел од пазарот на паметни телефони, прегазен е од Apple и Android, но, според Business Insider, соработката со Evernote може да биде одличен потег бидејќи Evernote е најдобарата апликација за продуктивност.

[youtube]Pjn6YkCY2yA[/youtube]