Стартапи, ако барате шанса, тогаш може да ја имате на сцената на Balkan Venture Forum (BkVF), кој за првпат ќе се одржи во Загреб, на седмото издание од своето постоење. Целта на BkVF е да помогне во создавањето на повеќе бизниси и остварување на лични контакти во рамките на индустријата.
Конференцијата на BkVF во Хрватска е закажана за 3-ти и 4-ти декември, но датумот што можеби повеќе ги интересира стартапите е пријавувањето во Startup Competition кое се затвора на 20-ти ноември. Поканети се сите стартапи, претприемачи, иноватори, брзо-растечки компании и истражувачи да си ги претстават своите проекти пред реномирани регионални и глобални инвеститори. „Предвидено е присуство на над 100 активни инвеститори во потрага по добра инвестиција, што претставува уникатна прилика за најдобрите стартапи од регионот да се покажат во своето најдобро светло“, велат од организацијата.
Startup Competition на BkVF е отворен за сите стартапи без разлика на индустријата, но мала предност ќе имаат стартапи кои доаѓаат од медицинската индустрија и се занимаваат со био-медицина или медицински помагала, и оние стартапи кои работат на енергетската ефикасност. Сепак, конечниот избор на 15 финалисти ќе биде одреден според критериумите како: експертиза на тимот, бизнис потенцијалот, конкурентност на пазарот и избор на инвестиција. Повеќе детали ќе најдете на официјалниот сајт.
Balkan Venture Forum ќе биде домаќин и на финалниот стартап натпревар на Pioneers of the Balkans, на кој ќе бидат претставени најдобрите 70 иновации што Балканот ги нуди пред инвеститори кои се заинтересирани да инвестираат во овој регион.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Startup Macedonia 
