Луксембург, а со тоа и Европа, ја доби првата државна берза на виртуелната валута биткоин. Властите му доделија лиценца на Bitstamp, кој стана прва лиценцирана берза. Лиценцата е актуелна од 1 јули кога Bitstamp ќе започне со работа. „Ова е за прв пат во индустријата. Влегуваме во нова ера, во која лиценцираните берзи стануваат нов стандард“, вели ко-основачот на Bitstamp, Нејц Кодрич.
Поради европските закони, сите компании кои слободно работат во една држава-членка на Унијата, можат да работат и во останатите држави членки. Ова значи дека Bitstamp може да тргува со биткоин на територија на сите 28 држави членки на Унијата. Лиценцата треба да донесе поголема стабилност на крипто-валутата, која досега повеќе се поврзуваше со криминал и нестабилна вредност, вели Forbes.
Крипто-валутата не беше без легитимни инвестиции, бидејќи многу технолошки инвеститори гледаат на биткоин како на технологија што ќе ги смени финансиските услуги онлајн. Досега во берзи инвестираа и големите фондови New York Stock Exchange и Goldman Sach, но ова е прв пат крипто-валутата да дојде на берза која е под покровителство на држава.
Bitstamp започна како словенечки стартап, основан од Нејц Кодрич. Во 2012 година берзата е преселена во Велика Британија, а од 2014 година е берза на која најмногу се тргува. Во 2014-та берзата беше цел на DDoS напад, а подоцна во 2015-та година од берзата беа уркадени 19.000 биткоини или 5 милиони долари.
It’s official: Bitstamp got stamp of approval! https://t.co/NHKpBLxaa3 #license #bitcoin #fintech pic.twitter.com/5Vh3dPOQ7i
— Bitstamp (@Bitstamp) April 25, 2016
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
