САД започна со сајбер напади врз Исламската држава (ISIS) во обид да ги намалат можностите на терористите за регрутирање и комуникации преку друштвени мрежи, и финансирање преку онлајн сервиси. Нападите ги врши сајбер команда која е формирана пред шест години, вели New York Times. Станува збор за пандан на Националната агенција за безбедност (NSA), кој вообичаено е насочен кон Иран, Русија, Кина и Северна Кореа. Истовремено ова се државите од кои најчесто потекнуваат нападите врз САД.
Она што е интересно е тврдењето на Роберт Ворк. кој е заменик на Секретарот за одбрана, дека ќе „фрламе сајбер бомби. И ова нешто не сме го правеле претходно“. Сепак за нападот со Stuxnet, кој ја уништи нуклеарната програма на Иран, долго време сe сомнева дека е заедничка акција на САД и Израел. Кампањата е на неколку нивоа, па освен прекинување на каналите по кои Исламската држава вообичаеано ги регрутира своите следбеници, акцијата подразбира и испраќање на пораки кои ќе излегуваат од сајбер командата на САД.
Сепак, оваа кампања не е без опасност. Дел од агенциите и експертите предупредуваат дека постои можност нападите да ги натераат терористите да користат пософистицирана технологија за комуникација, а со тоа нивната комуникација ќе биде многу потешка за следење.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
