Помина шестнеделниот редизајн на овој сервис и конечно го добивме новиот Digg кој, неочекувано, во целост се разликува од претходниот. Именуван како Digg v1, вчера сервисот ја објави својата iPhone апликација и мобилниот сајт, а веќе денес ни е достапен и преку веб. Секако, страницата сѐ уште не е во целост завршена, но првичната замисла која ја имаа од Betaworks е постигната и корисниците може слободно да го користат новиот Digg.
На својот официјален блог, веќе имаат поставено листа на кои ќе бидат следните работи што треба да ги очекуваме на овој старо-нов сервис. API, нов систем за коментирање, нова персонализирана мрежа со налик на News.me и уште неколку други работи ќе бидат делови од надградбите во текот на следните месеци.
Содржината како и претходно е поделена на топ стории, популарни и тие што следуваат, односно тие што се скоро објавени и/или немаат доволно гласови за да се искачат погоре.
За да испратите линк, ќе морате да се најавите преку Facebook или да го испратите преку Twitter.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
