Наредното DLC за Battlefield 1 планира да се посвети на воздушните битки преку целосно нов мод и пет нови мапи. Првите три мапи се викаат Passchendaele, Caporetto и River Somme, а се дизајнирани со стандардните борбени тактики во предвид, односно комбинирање на гејмплеј тактики како пешадија или возило. Останатите две мапи, меѓутоа, London Calling и Razor’s Edge се специјално осмислени за воздушни борби и тоа преку новиот режим наречен Аir Assault.
Сопствениците на премиум пропусницата ќе може да го зграпчат додатокот уште од февруари. Покрај мапите, ратоборните гејмери ќе бидат пријатно изненадени и со нови возила, оружја и опрема. Па така, имате на располагање два нови бомбардери, шест нови оружја и уште едно подеднакво пријатно изненадување. Имено, со Apocalypse ќе се воведе и нов вид на специјализација. Таканаречените afflictions (маки) се замислени да ја направат играта потешка.
„Професионалните играчи кои сакаат да ги докажат нивните способности во било кое време,“, објаснуваат од DICE, „ќе бидат тестирани со дополнителни сопки кои заземаат најразлична форма. Активирајте Mortality за да губите 200 поени за секоја respawn точка или предизвикајте се со Paranoia и играјте постојано со гас маска.“
Оваа DLC се испорачува само преку Battlefield Premium Pass, а таквото нешто чини 50 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
