Победничката порака на американскиот претседател Барак Обама, кој го доби својот втор мандат, ги сруши рекордите на најсподелуван твит на друштвената мрежа. Пораката која гласи „Уште четири години“ е споделена над 559.889 пати. Овој твит г. Обама го сподели во моментот пред да се појави на сцената и да и се обрати на американската нација. Всушност, над 167.939 ретвитувања беа забележани само во првите 40 минути. Ваквата активност не е чудна за Twitter каде за време на претседателските избори беа следени со огромно внимание. Само за денот на гласањето беа споделени над 20 милиони твитови.
Four more years. twitter.com/BarackObama/st…
— Barack Obama (@BarackObama) November 7, 2012
Рекордното ретвитување е само дел од активностите на друштвените мрежа. Веднаш откако г. Обама ја сподели својата победа, му беше возвратено со честитки од други твитерџии како англисиот премиер Дејвид Камерун, премиерот на Малазија, Мох Наџаб Тун Разак, австралиската премиерка Џулија Галард и многу други актуелни политичари кои го користат друштвениот медиум за да комуницираат со граѓаните.
Warm congratulations to my friend @barackobama. Look forward to continuing to work together.
— David Cameron (@David_Cameron) November 7, 2012
Претходните рекордери беа Џастин Бибер (223.376 ретвита), рагбистот ТЏ Ланг (98.688) и Флојд Мајведер (89.055 ретвитувања).
