NASA сака подобро да разбере колку време е потребно за да се формираат планети. Тоа се чини невозможно доколку не се активира значително голема работна сила. Поради тоа, NASA одново го враќа проектот Disk Detective и ја повикува јавноста да помогне во откривање дискови кои се во близина на ѕвезди.
Disk Detective проектот користи податоци директно извлечени од WiSE мисијата, а она што бара е доброволци кои би сакале да ги истражуваат потенцијални дискови за да се заклучи дали некаде се наоѓа гасот кој е заслужен за формирање планети.
Новата база на податоци се одликува со 150 000 ѕвезди, што значи дека доколку ова е нешто што ви звучи интересно и имате време на претек, можете слободно да ги засукате ракавите и да се фатите за работа.
