Автоматското управување во Tesla беше причина за нова сообраќајна незгода. Сензорите на возилото не детектираа возило на патеката на Tesla, но од компанијата велат дека асистентот воопшто не требал да биде вклучен во овој период.
Компанијата нема план да го исклучи автоматското управување, но најавија дека наскоро ќе им објаснат на клиентите кога и како да ја користат оваа функционалност, откри Илон Маск во интервју за Wall Street Journal.
Возачот на Model X по вклучувањето на автопилотот неколку минути не ги ставил рацете на воланот. Ова е против упатството и правилата за користење. На местото на незгодата, патот е без поделена лента и поради ова возилото неколку пати го предупредило возачот да ги стави рацете на воланот. По излегување на друго возило пред Model X, автомобилот излетал од патот и се удрил во дрвен столб.
За среќа возачот и патникот се неповредени овој пат. Претходно возачот на Model S не ја преживеа несреќата. Tesla Motors сѐ уште се под истрага за претходната сообраќајка, за да се провери дали автопилотот е причина за несреќата во која загина 40-годишниот Tesla ентузијаст, Џошуа Браун.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
