Луѓето кои ја создадоа популарната онлајн заедница на дигитални артисти кои учествуваат во дневни натпревари, Worth1000.com, се исто така одговорни за уште еден интернет веб проект, односно станува збор за дизајн платформата Aviary, која претставува колекција од веб 2.0 алатки и апликации за креативни дизајнери. Платформата е базирана на Flash и работи директно од вашиот пребарувач. Во Aviary се вклучени неколку алатки:
- Phoenix (едитор на слики)
Phoenix е главниот продукт, и е уште една одлична имитација на Adobe Photoshop. Користи леери, четки и голем број филтери кои овозможуваат брза и лесна манипулација на слики. (галерија)
- Peacock (компјутерски генератор на позадини, текстури и ефекти)
Апликација која ви овозможува да создадете забавни позадини и текстури, дел од функционалностите повторно доаѓаат од Photoshop, но кај Peacock се малку понапредни. (галерија)
- Toucan (создавач на колорни палети)
Сервисов е сличен на Adobe Kuler, и се користи заедно со другите дизајнерси алатки со цел да се изберат соодветни бои во креативниот процес. (галерија)
Raven (едитор за вектори)
Доколку создавате поквалитетни графички елементи, дизајнирате маици или логоа, потребен ви е векторот. Засега, Raven е доста уникатна алатка на Aviary која ја олеснува работата во создавање на вектори. (галерија)
