Пред нешто повеќе од еден месец, Atari со кусо видео ја најави својата конзола. Досега немаше премногу податоци, освен супер кусото видео од кое и не може да се дознае премногу.
Нови податоци откриваат малку повеќе за новата конзола. Во електронска пошта до своите фанови компанијата ветува дека новата конзола е наменета и за новите, но и за постарите играчи.
Конзолата ќе доаѓа во две различно дизајнирани варијанти, дрвена и пластична. Двете се со ретро изглед иако дрвената малку повеќе потсетува на постарите конзоли од Atari. Конзолата ќе поддржува SD картичка, а доаѓа и со HDMI-порта и четири USB порти.
За жал најважниот и најинтересниот дел, игрите сè уште се необјавени. нa конзолата ќе може да се играат и модерни игри, но барем засега нема објаснување дали постарите игри ќе бидат реиздадени или можеби ќе бидат рекреирани.
Засега нема податоци за цената и датата на излегување, но и за платформата на која ќе доаѓаат игрите.
