Archos ги претстави своите два нови паметни телефони 50 Helium 4G и 45 Helium 4G пред почетокот на Consumer Electronic Show саемот кој почнува од следната недела. Според The Next Web, двата телефони најверојатно ќе работат на фабрички Android 4.3, односно немодифициран ОС како што го има замислено Google, а не производителот на телефоните.
Двата уреди ќе работат на 1.4 GHz процесор со четири јадра, со Adreno 305 GPU и 1 GB RAM, а главната разлика меѓу нив ќе биде големината на екранот. 45 Helium има 4,5-инчен екран со резолуција од 854×480, додека 50 Helium има 5-инчен екран со резолуција од 1280×720. Според ова поевтин модел секако е 45-ката која чини околу 200 евра, иако разликата во цената е мала бидејќи 50 Helium чини само 40 евра повеќе, односно 240 евра за кои добивате и 8-мегапиксели камера, наместо 4. Сè уште не е објавен датумот кога уредите ќе бидат достапни за продажба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
