Arc-Free е нова бесплатна македонска Android видеоигра од Томислав Насков. Станува збор за заразна аркадна игра која несомнено ќе ве потсети на Pacman, иако не е копија на играта.
Еве на што работев деновиве.
Шоља игрица. Ако ја пробате и ми остаите рејтинг и ривју би било одлично!
https://t.co/TxKKYB1Doo
— Tom is Love (@egodollaric) February 3, 2015
Според Томислав, играта овозможува да го „тренирате“ мозокот и истовремено да следите два објекта на екранот. Ова би требало да ја подобри краткорочната меморија и да овозможи поедноставно/извежбано следење на повеќе објекти. Играта инаку е едноставна, управувате со два ARC-a (Pacman-и) кои можете да ги насочувате, треба да стигнете до храната, но да ги избегнувате духовите. Иако е едноставна, добар дел од играчите кои оставиле коментар се задоволни и велат дека е супер заразна, па откако ќе ја исталирате на телефонот или таблетот, збогувајте се со продуктивноста.
