Apple потври дека луѓето со „постојани или провремени промени на кожата, како тетоважи“ нема да можат да го користат сензорот за отчукувањето на срце вo Apple Watch бидејќи „мастилото, шарата и бојата на некои тетоважи може да го блокира светлото од сензорот, што може да направи проблеми при собирање на податоците“.
Проблемот со сензорот првин го забележаа корисниците кои на Reddit објавија видеа и детали за работата на паметниот часовник, што подоцна го потврди и Apple. Но, некои од корисниците велат дека сензорот за отчукување на срцето функционира како што треба иако имаат тетоважи, додека други корисници со потемни тетоважи забележуваат погрешни податоци. Apple Watch е дизајниран и да работи преку облека, и работи на потемна кожа.
Проблемот се чини е тоа што Apple Watch се заклучува кога не може да детектира кожа, и тетоважите некако го спречуваат сензорот да ја препознае кожата. Според Стивен Лебуф, основач на Valencell, компанија која работи со биометрички сензори, Apple користи сензори кои со зелено светло ги пенетрираат првите неколку слоја на кожата, и го мерат крвотокот во капиларите што се под површината. Но, тоа зелено светло се апсорбира од мастилото што се користи во тетоважите, вели г. Лебуф за Quartz.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
