Руската државна комисија против монопол, тврди дека Apple ги договара цените на телефоните во Русија.
Обвинувањата започнаа во август 2016 година, а тогаш Apple тврдеше дека продавниците сами си ги одредуваат цените на телефоните. Властите во Русија сега откриваат дека Apple им давал насоки за цените на iPhone 5 уредите на 16 продавачи во Русија. Доколку цената се разликува од препорачаната, Apple ги контактирал и им се заканувал со прекин на договорот за продажба.
Истрагата покажала дека Apple ја диктирал цената на: iPhone 5s, iPhone 5c, iPhone 6, iPhone 6 Plus, iPhone 6s и iPhone 6s Plus. Цената на уредите е диктирана од Apple во првите 3 месеци. Ако во овој период Apple забележал промени на цената, ги контактирал продавачите, јави 9 to 5 Mac. Оваа пракса не е забележана со iPhone 7, јави руската агенција ТАСС.
Apple може да се жали во следните 3 месеци, по што ќе биде донесена одлука. Максималната казна која може да ја плати Apple, е 15% од заработката во Русија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
