Тим Кук од Apple навести можен нов продукт од компанијата, иако не појасни дали ќе стане збор за најавениот паметен часовник или сосем нов производ. Изјавата доаѓа во период кога добар дел од конкуренцијата се приближува до нивните продукти и речиси сите се прашуваат дали Apple може да ги повтори иновациите на iPhone и iPad.
Директорот на Apple потврди дека компанијата работи на нов продукт, но и дека е потребно време за финализирање на продуктот за тој да биде како што треба.
„Потребно е време да се направи добро. Нашата цел не е да бидеме први, туку да бидеме најдобри. За да се направат навистина добри производи е потребно време. Може да видите многу продукти на пазарот, поради тоа што не се размислувало премногу на нив тие не поминуваат добро на пазарот. Не работиме на премногу производи па затоа работиме на секој детал и овој дел на Apple нема да се промени. Вака работевме со години и вака ќе продолжиме да работиме и понатаму. Имам одлично чувство за продуктите кои доаѓаат. Навистина одлично и побрзо од било кога“, вели Тим Кук во интервју за Wall Street Journal.
Сепак Тим Кук не објави кога ќе излезе паметниот часовник, но потврди дека производот се приближува до официјалното излегување и дека е поблиску од било кога. Тој не пропушти да забележи дека во последната година заработката на акционерите на Apple е порасната за 15 отсто, што е показател дека производите од компанијата поминуваат навистина добро.
[youtube]EZPYLZ7I6gs[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
