На многу популарни блогови за технологија се појавуват се повеќе гласини дека Apple ќе го претстави iPаd Мini во октомври, и ќе го пушти во продажба рано во ноември. Според BGR, производството на уредот веќе е започнато во Бразил, и ќе биде претставен на 10 октомври.
Apple Insider вели дека iPad Мini ќе биде најтенок и најмал iPad до сега (иако има само три), со дебелина од само 7,7 милиметри и ќе биде широк 13 cm, што е за скоро 5 cm помал од оригиналниот таблет компјутер. Поради малите димензии, iPad Mini ќе се држи понаку од оригиналниот iPad, вели 9to5Mac.com. Според нив, малиот таблет нема да се држи хоризонтално, туку вертикално во портретен испис, односно како што се држи телефон.
Но, тоа што е важно околу iPad Mini не е големината, секако дека ќе биде помал, туку важна е цената и перформансите. iPad Mini ќе биде наменет да им конкурира на поефтините таблет компјутер како Аmazon Kindle Fire HD и Google Nexus 7 кои чинат помеѓу 200 и 300 долари.
Што се однесува до перформансите на iPad Mini, би очекувале да биде само со поддршка за WiFi и да има послаб процесор и помал простор. Но ќе мора да почекаме таблетот да биде официјално преставен за да знаеме сигурно. А доколку гласините се точни, тогаш ќе дознаеме многу бргу.
[youtube]ni3-dXotwZ4[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
