Големите производители волонтерски се согласија да користат технологии против кражба на телефони за сите идни модели кои ќе излезат од следната година, поточно од јули 2015-та, пишува Re/code. Apple, Google, Samsung, Microsoft, HTC, Motorola, Huawei, Nokia и другите големи производители ќе користат технологија која, по избор на корисникот, ќе ги блокира комплетно украдените телефони за да не можат да бидат вклучени без дозвола од оригиналниот корисник. Целта е да се спречи препродавањето на украдените телефони, и со тоа да се намалат и кражбите.
Некои производители веќе имаат вградено технологија против кражби, како Apple кој има вградени Activation Lock во својот iOS 7, опција која не го отклучува телефонот и по ресетирање без Apple ID и лозинка; и Google кој креираше Android Device Manager за да се следи украдениот телефон. Со новиот iPhone 5S и Samsung Galaxy S5 се поставија стандарди за отклучување на телефоните со отисок од прст, иако таа заштита не значи многу ако се направи фабричко рестартирање на телефонот.
Иако оваа иницијатива е волонтерска од страна на производителите, Re/code пишува дека се повеќе американски и европски држави планираат да воведат закони со кои ќе се бара уредите да имаат „kill-switch“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
