По Јапонија, Тајван и Русија, Apple поднесе барање за заштита на името iWatch и во Мексико, со што ги потврди гласините дека работат на паметен часовник. Според претходните извештаи, Apple има околу 100 дизајнери кои работат на часовникот кој ќе работи на iOS платформата, ќе може да се прават повици и ќе има сензори за да се стартуваат апликации за фитнес или следење на здравјето.
Аналитичарите велат дека паметниот часовник е логичен чекор напред кон освојување на нови пазари за големите компании (Apple, Google, Microsoft и Samsung). Пазарот на паметните телефони е заситен, а паметните часовници ќе бидат продавани како дополнителни додатоци на телефоните. Се проценува дека пазарот на часовници вреди околу 60 милијарди долари според годишните продажби.
