Програмскиот јазик Swift на Apple сега е со отворен код. Tимот кој го креираше јазикот го објави кодот за компајлерот, јави 9to5Mac, со цел да им овозможат на програмерите и заедницата да придонесат кон надградување на јазикот.
Искуството досега покажува дека отворањето на проектите овозможува позаинтересирана заедница и поголема доверба. Корисниците на Swift најверојатно можат да очекуваат поправки од заедницата кои ќе бидат дополнети од Apple. Дополнителна предност е што дури и ако Apple некогаш се откаже од понатамошна поддршка и развој за Swift, заедницата во целост ќе може да ја земе оваа одговорност и самата да го одржува јазикот.
Заедно со Swift се отвора кодот на стандардната библиотека и делови од Foundation, но Frameworks, AppKit и UIKit остануваат ексклузивни за Mac и iOS.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
