BusinessInsider јавува дека Apple се во преговори да ја купат друштвената мрежа Fancy. Apple се надева дека дел од 400 милиони корисници на iStore ќе ја користат и нивната можна нова аквизиција. Детали околу сумата која ја понудиле од Apple и можна дата на завршување на преговорите не се објавени.
Fancy се споредува со Pinterest, но само поради изгледот. Fency многу повеќе е насочена кон продажба отколку кон социјализирање, па описот на сервисот како друштвена мрежа можеби и не е баш најсоодветен. Оваа „друштвена мрежа“ всушност е продавница во која може да се споделуваат производите (Fancy It кои можат да се купат со „купи“ копчето.
Аналитичарите тврдат дека The Fancy е проценета на 100 милиони долари, пари кои Apple би требало да ги врати 3-5 пати повеќе. Договорот помеѓу двете компании не е конечен и може да биде откажан во било кое време.
Ако потегот се исполни повторно ќе се испреплетат „зоните на контрола“ на Amazon и Apple. Иако колку што е веројатно дека Kindle Fire ќе го замени iPad, толку е веројатно и дека The Fancy ќе му bиде конкуренција на Amazon.
Според информациите на Buisness Insider, The Fancy е подржана од ко-основачи на двете моментално најголеми друштвените мрежи Facebok и Twitter. Заработката на компанијата за сега е 10 проценти од извршените продажби на мрежата.
