Секако ќе има многу интересни вести од CES кога телевизорите се во прашање. Сепак најинтересната вест досега од саемот за електроника е дека Apple ќе го отвори iTunes за Android телевизорите. Засега ова го најави единствено Samsung, иако изгледа речиси неверојатно дека и други партнери нема во иднина да добијат апликација за своите уреди.
На телевизорите на Samsung од 2018 и 2019 година ќе бидат достапни и филмовите од iTunes. Ова ќе биде првпат Apple да ги отвори своите сервиси на други платформи, иако iTunes е достапен на Windows.
Но, со оваа најава не престанаа изненадувањата, Apple AirPlay 2 и HomeKit пристигаат на најголем дел од Android телевизорите. Ова значи дека – филмови, музика, пренос од екран ќе може преку AirPlay 2 да се префрли на Android телевизор. Досега поддршката е потврдена за Samsung, LG, Vizio и Sony.
Шпекулациите се дека Apple се подготвува за лансирање на сопствен конкурент на Netflix. Во ова бројот на уреди на кои се пренесува содржината е секако од исклучително значење.
Интересно е што ова е првпат по подолго време Apple да го следи Microsoft со промовирање на услуги како бизнис модел. Досега компанијата љубоморно чуваше најголем дел од своите апликации и услуги затворени зад хардверот на Apple.
Конечно доаѓа и говорна активација со Siri преку HomeKit и SmartCast TV. Првите уреди доаѓаат во првото тримесечје на 2019 во САД и Канада, јави CNET.
