Покрај стандардниот метод за аплицирање за бета тест Valve се решија на играчите кои сакаат да ја пробаат Counter Strike:Global Offensive да им пружат и уште еден модел. Освен аплицирањето за бета код и давањето на кодовите на играчи кои моментално ја играат Counter Strike: Source, сега можете да аплицирате за бета тестер и со одговарње на анкета која е поставена на steam://takesurvey/2/.
Освен желба и прелистувач за да се пријавите за анкетирање потребно е да го имате инсталирано и Steam клиентот. Според соопштението на официјалниот CS блог за учествување во бета тестот не е потребно да сте „зависник“ од Counter Strike, напротив учесниците во бета тестот ќе бидат избрани помеѓу играчи на CS 1.6, Source, но ќе има учесници кои никогаш не играле Counter Strike.
И покрај тоа што Global Offensive ќе излегува на повеќе платформи објавата за бета тестери досега се однесува единствено на играчите на PC. А играта сеуште нема дата на излегување иако сè уште е најавена за 2012 година.
[youtube]3-VQBLspF90[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
