VLC, една од ретките добри и бесплатни апликации преку кои можат да се пуштаат сите формати кои iOS не ги поддржува, сега има нов дизајн и неколку нови интересни новини кои ќе го олеснат користењето и префрлувањето на големите фајлови од едно на друго место. Покрај редизајнот на интерфејсот да биде според iOS 7 стандардите, VLC за iOS во новата верзија има додадено и интеграција со Google Drive и стримање преку Dropbox. Ова значи дека наместо да префрлувате филмови од едно веб складиште на телефонот преку iTunes, ќе може да ги стримате веднаш преку Wi-Fi.
Други нови промени се додадена поддршка за уште различни формати, подобра приватност кога се користи Passcode Lock и подобрено пренесување на филмови преку Wi-Fi што до сега не функционираше воопшто. Сега, ова префрлување на фајлови преку локална безжична мрежа функционира како што треба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
