Денес постојат огромен број на апликации кои би сакале да ги имаме на нашите паметни телефони, а за да ги симнеме истите, најчесто се поврзуваме на Wi-Fi, благодарение на „ефтините“ тарифи на нашите мобилни оператори.
Бидејќи најчесто користиме Wi-Fi и уште почесто ни се случува да не го изгасиме кога ќе завршиме со користење на интернет, или одиме на место во кое немаме Wi-Fi мрежа на која би можеле да се поврземе. За да не го малтретирате вашиот телефон цело време да бара мрежи за поврзување, а со тоа и да си ја троши батеријата – инсталирајте си Smart WiFi Toggler.
Се работи за апликација која во зависност од вашата локација одлучува дали да го вклучи или исклучи Wi-Fi-то. Разликата од оваа апликација до другите за оваа намена е дека Smart WiFi Toggler не користи GPS за да ја одреди вашата локација, туку ја користи мрежата на вашиот оператор. Според него, се одредува вашата моментална локација и апликацијата донесува одлука дали да го вклучи или исклучи Wi-Fi.
Сè што треба да направите е да ја инсталирате апликацијата, стартувате и да ги подесите основните поставувања кои се појавуваат при првото стартување на Smart WiFi Toggler. Во опциите кои ги нуди Smart WiFi Toggler се наоѓаат поставувањата за колку долго време да биде вклучен WiFi, откако ќе излезете надвор од дометот на некоја мрежа.
Апликацијата е бесплатна и можете да ја преземете од Google Play маркетот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
најчесто се поврзуваме на Wi-Fi, благодарение на ефтините тарифи на нашите мобилни оператори.
Не си во тек, или печатна грешка е. Ретко кој наплаќа Wi-Fi , да не мислиш случајно на 3G?
Благодарение на „ефтините“ тарифи за 3G што ги нудат нашите мобилни оператори , користиме Wi-Fi. :)
It was irony Jim you missed It.