Апликација на денот: Следете ги вашите активности преку tenXer на iPhone

Доколку сте личност која сака да следи што точно работи и да има увид во сите свои активности, tenXer за iPhone е одлична апликација за таа намена. TenXer, покрај останатото, овозможува и следење на вашата локација, па така точно може да утврди колку време сте поминале на работа.

За да ја користите оваа апликација, потребно е да се регистрирате, а тоа можете да го сторите после инсталирањето на апликацијата. Сепак, доколку сакате да додадете повеќе информации и врски до вашите профили на друштвените мрежи, ќе морате да се упатите на веб сајтот на tenXer.

Стандардно, апликацијата следи само една од вашите активности, а тоа е времето поминато на работа. На почетокот е потребно само да означете каде се наоѓа вашето работно место, а останатото е на апликацијата. Додека, другите активности е потребно самите да ги додадете . Исто така, постои и можност за автоматско следење на активностите, а до тие поставувања се стига од иконката во десниот горен агол. TenXer е бесплатна апликација и можете да ја преземете од Аpp Store.