Во моментот не е достапна официјална Instagram апликација за Windows Phone паметните телефони, но тоа не значи дека некој друг нема развиено такво нешто. Во моментот постојат неколку Instagram клиенти за Windows Phone, но еден кој се издвојува е Itsdagram.
Itsdagram е првата Instagram апликација за Windows Phone која ги има сите можности како официјалната апликација за Android и iOS. Исто така, преку Itsdagram може да се вршат и регистрации, што не е случај кај останатите клиенти за Windows Phone.
Преку Itsdagram ќе можете да ги прегледувате популарните фотографии, да добивате известувања, лајкувате, коментирате и прикачувате фотографии. Секако, има вградено филтри и поврзување со вашите Facebook и Twitter профили. Постојат две верзии на апликацијата, платена и бесплатна, со тоа што разликата е во рекламите. Itsdagram можете да ја преземете од Windows Phone Store.
