Bookviser е апликација која ги поддржува едни од најкористените формати за е-книги – ePub, TXT и FB2. А покрај можноста за читање на е-книги, вклучува и опција за пребарување и преземање. Апликацијата можете да ја користите без регистрација, но доколку сакате да ја зачувате вашата колекција во облакот, сепак ќе морате да го сторите тоа. За да создадете нова корисничка сметка отидете во Settings, а потребно ви е само да внесете мејл адреса и лозинка.
До книги можете да дојдете на неколку начини, и тоа: со преземање на некоја е-книга од веб, директно преку апликацијата или синхронизирање со веб верзијата на Bookviser. Сите книги кои ќе ги зачувате на вашиот мобилен ќе можете да им пристапите преку Bookshelf. Читачoт нуди поставувања како што се големина на текстот, позадина на текстот и светлина. Сите овие измени можете да ги правите директно додека читате само со неколку едноставни чекори.
Bookviser е бесплатна апликација и можете да ја преземете од Windows Store.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
