Тоа што ја прави интересна оваа апликација е што ги двои мислењата на корисниците и експертите. За многумина, вклучувајќи ме и мене, Yo е бескорисна апликација. Нема никаква вредност во праќање „Yo“ на моите пријатели, кога можам да му пишам јасна порака преку куп други апликации за чет и пораки. Ниту сленгот да се користи „Yo“ не доликува да го користам како поздрав. Но, за други, меѓу кои и познатиот инвеститор Марк Андрисен, Yo е нов тренд во се-поедноставната-комуникацијата помеѓу корисниците бидејќи е потребно само еден збор – Yo – за да привлечете нечие внимание. Една-битната комуникација преку мобилен веќе постои ширум светот, посебно во форма на пропуштен позив, пример два пропуштени повици помеѓу пријатели можат да функционираат како нотификација дека некој касни, или веќе стигнал на договореното место.

Единствен потенцијал во Yo засега се гледад а се користи како систем за нотификација, пример кога ќе ви почне натпревар тимот да испрати Yo до своите фанови, или да добиете Yo кога ќе ви заврши паркингот, или Yo кога ќе ви е готова пицата. Апликацијата веќе има соберено 1,2 милиони долари од ангел-инвеститори, што можеби ќе и помогнат да се развие во малку покорисен сервис кој користи и други пораки за поздрав, не само Yo. Yo веќе размислува како да биде корисна и за бизнисите. Интересно, Yo беше дури и хакната, што основачот Ор Арбел го сфати како „благослов“ бидејќи пробивањето и помогна на Yo да му покаже на светот дека е навистина едноставен сервис.