Permeate е бесплатна iOS апликација од Бен Ходл, која овозможува брз преглед на популарните твитови од луѓето кои ги следите на Тwitter. Идејата на Permeate е да ви ги прикаже најпопуларните твитови, налик на македонската TweetsPie, но со малку поминималистички дизајн и без опција да контролирате кои профили да ви се појавуваат, што е мал недостаток.
Permeate is one hell of a useful app, minimal clean and fast #ftw pic.twitter.com/1Gi4HOweIp
— danijanev (@danijanev) April 22, 2014
Апликацијата ги разделува релевантните и популарни твитови, од брендовите, компаниите или луѓето кои ги следите од оние твитови кои единствено бараат внимание. Одлична е кога сакате да разгледате на брзина што се случува на Twitter без притоа да треба да скролате низ стотици, па дури и илјадници пораки за да си ги пронајдете твитовите кои ве интересираат. Лоша вест за корисниците на Android e што Permeate е ексклузивна за iOS, и иако поддржува и iPad и iPod Touch апликацијата е оптимизирана за iPhone 5.
