Mountain е навистина чудна игра која пред се го поставува играчот во улога на набљудувач и чувар на планина. Всушнот единствен пат кога играчот има контрола е на самиот почеток на играта кога играчот треба да одговори на неколку прашања. Од овие прашања играта ја генерира планината и по нивното одговарање играчот останува во улога на набљудувач.
Анимацијата изгледа одлично, планината постојано се менува, растат дрва, паѓа снег, а врвот на планината постојано е скриен во облаци. „Не мислам дека Mountain треба да биде објаснета. Ќе има различно значење на различни луѓе и не можете да застанете на патот на нешто вакво“, вели креаторот на Mountain уметникот Дејвид О’Рајли за Verge. Г. О’Рајли е креаторот и на играта која ја играше Жоаким Феникс во сега култниот филм за вештачката интелигенција, Her.
