Програмерот Стив Тејлор успеа да направи паметен iOS пребарувач кој знае дека користите телефон, и според тоа ви отвара апликации, наместо линкови до веб страни. Пример, ако пребарувате IT.com.mk наместо линк до веб сајт, In-App Search ќе ви прикаже резултати од Facebook, Twitter и YouTube профилите кои ќе ви се отворат преку соосдветните апликации. In-App Search всушност ја користи технологијата на Google, кој имплементираше deep linking уште пред една година. „Deep linking” е технологија која ги прави хиперлинковите попаметни, па наместо да водат до веб страни, линковите и резултатите од пребарувањето знаат дека користите iPhone ви ја прикажуваат содржината преку апликации. Ваквото пребарување веќе е достапно на Android.
In-App Search користи Google Custom Search и сервер за да го симне каталогот на апликациите кои може да ги пребарува. Пребарувањето поддржува околу 30 апликации за iPhone и 20 апликации за iOS, oбјаснува TechCrunch. In-App Search го претвара сите веб URL-а во URL на апликации, што е можно преку технологии како App Links, Twitter app Cards и други.
