Google во март е на прво место според преземањата на апликации на Apple App Store, вели анализата на AppAnnie. Иронично Google го нема овој примат на сопствената продавница за Android, Google Play, каде е на второто место. Листата на 37 апликации на Google во App Store ја предводи YouTube која е најчесто преземана апликација пред Facebook и Google Maps. На второто место за iOS се кинеските Tencent, а зад нив се Facebook кој покрај своја апликација, учествува во листата на најсимнувани и со Instagram и WhatsApp; потоа следат Baidu и Apple.
На Google Play листата први се Facebook по кој следат Google, Kingsoft Internet Software, Sungy Mobile и Outfit 7. Што се однесува до најчесто симнуваните апликации во првите пет нема ниту една апликација од Google што можеби е разбирливо со оглед на тоа дека најчесто доаѓаат преинсталирани на телефоните. Листата на апликации на Google Play ја предводат Facebook, WhatsApp Messenger, Facebook Messenger, Clean Master и Instagram.
Интересно Microsoft е на шестото место и на двата маркети за што најмногу треба да се заблагодарат на Office пакетот и Skype. Што се однесува до заработката ситуацијата е поразлична во App Storе најуспешни се Pandora Radio, LINE и Zoosk, додека во Google Play LINE, LINE PLAY и LINE Manga ја предводат листата според заработката.
