Anonymous ја хакна италијанската Eдиница против сајбер криминал

Интернет активистите Anonymous објавија „тајни документи“ украдени од Единицата против сајберкриминал на италијанската полиција. Anonymous вели дека ги добиле фајлови, кои наводно „тежат“ околу 8 GB, од анонимен извор кој ги украл од серверите на Centro Nazionale Anticrimine Informatico per la Protezione delle Infrastrutture Critiche (CNAIPIC). Меѓу потадоците има доверливи фајлови со информации за истраги, за приватни фирми и за агенции на странски држави.

Нападот на Anonymous е дел од #antisec кампањата која ја водат, целта им е да пробиваат владини сајтови и да откриваат документи, мотивирани од Wikileaks, но во случајот со италијанската полиција мотивот за нападот може да биде и апсењето на неколку италијанци кои се осомничени дека се дел од хакерската група. Anonymous како доказ за хакнување објавија неколку слики од единицата и од документите.

CNAIPIC сè уште го нема искоментирано инцидентот.