Хакерите-активисти Anonymous срушија неколку сајтови на грчката влада, банки, полицијата и политичките партии во знак на дигитална поддршка на протестите кои избувавнаа во неделата.
Насилните протести, во кои беа запалени и 34 згради во Атина, се против непопуларниот закон кој беше одобрен од грчкиот парламент. Законот воведува построги мерки за штедење за да може да се соберат пари и да се намали националниот долг од 132 милијарди, и да и се даде основа на Грција да добие уште пари од Европската Унија за да не банкротира. Строгото штедење ќе значи повеќе опуштања и намалувања на пензиите и платите.
Аnonymous со својот синтетизиран глас во видеото подолу, вели дека ја таргетираат Грција бидејќи властите не сакаат да го послушаат народот и да ги следат нивните барања. Во истото видео хакерите-активисти им се заканија на сите други европски земји.
Хакерската група се почесто е во центарот на светското внимание благодарение на својот дигитален активизам, ако може така да се нарече срушувањето на разни сајтови, од Хрватска до Сирија, и поради заканите кои ги упатуваат на сите други.
TANGO DOWN: Greek Parliament website: hellenicparliament.gr #Syntagma #12fgr #Greece
— Anonymous (@YourAnonNews) February 12, 2012
[youtube]aSlLwRXHBJY[/youtube]
Гарант и кај нас вака ќе се крене народот ако владата усвои некои непопуларни мерки.
Да да, впрочем како и стално до сега.