Angry Birds Star Wars слета на сите платформи, освен на BlackBerry

По се изгледа секое следно продолжение на Angry Birds е поочекувано од претходното. Овојпат птиците ќе се преселат во Star Wars универзумот и тоа на речиси сите платформи  истовремено. Птиците сега ги напаѓаат Android, iOS, Kindle Fire, Mac, Windows Phone 8, Windows 8  и PC, а единствено е заборавен RIM, oдносно BlackBerry платформата.

„Ова е голем ден за нас. Angry Birds Star Wars е најдоброто продолжение на играта до сега, возбудени сме од можноста нашите фанови да се запознаат со Лук, Леа и остатокот од групата. Но за нас ова е повеќе од стартување игра, се надеваме дека на фановите ќе им се допадне новиот трејлер но и новите Angry Birds продукти, кои ќе излезат за празниците.“, вели Rovio.

Сите птици за ова издание ќе користат ново оружје. Црвената птица (Лук Скајвокер) ќе користи „lightsaber“,а жолтата птица (Хан Соло) ќе користи бластер. Играта се простира на 80 нивоа од кој дел се на култните планети од Star Wars, но дел од мисиите се и во вселената.

Angry Birds Star Wars е прво издание на некоја од Lucas Films франшизите откако неодамна Џорџ Лукас ги продаде Lucas FIlms на Disney за 4 милијарди долари.

[youtube]l6lYFO_tKlE[/youtube]