Англискиот на Ѓоко Танески стана хит на друштвените мрежи

Се чини дека македонската делегација за Евровизија заборавила да поведе преведувач во Осло, бидејќи ниту Ѓоко ниту останатите со него во интервјуто не знаат англиски јазик. Нормално знаењето англиски воопшто не е проблем, ниту пак критериум за нечиј успех или зависно од резултатите, пораз, но оваа интервју сепак ги испровоцира и инспирира македонските интернет корисници станувајќи доста популарна тема на друштвените мрежи.

Интервјуто е популарно на YouTube со околу 3.000 гледања, има неколку верзии, една верзија дури беше и тргната. Постои и друго подолго интервју кое има околу 4.000 гледања, а околу 30-тина коментари Ѓоко Танески стана тема на разговор и на Facebook каде многумина линкаа до интервјуто или пак до новиот ремикс од интервјуто. Има и група „I FEEL LIKE A FISH (aj фил лајк а фиш ) Ѓоко Танески интервју – ЕВРОВИЗИЈА“ со над 4.000 членови.

 
На Twitter пак веќе неколку дена #танески, #ѓоко, #таневски, #gjoko се популарна тема.

Посебно „Ин Осло ај фил лајк а фиш“ стана еден вид интернет меме, резултирајќи во откачени слики со Ѓоко спакуван во конзерва или пак насликан како сирена. ( И двете слики се дело на Бојан Јосифовски)

Оваа интервју, грешка, лапсус, fail, како сакате наречете го, е одличен пример колкава е моќта на друштвените мрежи да промовираат или да се шегуваат со нечија кариера/бренд. „Give a man a fish and you feed him for a day. Teach a man to fish and you feed him for a lifetime“ – кинеска поговорка. :)

Во секој случај му посакуваме успех на Ѓоко на Евровизија.