Google ја објави новата 3.0 верзија на Android Studio. Бета верзија е достапна веќе подолг период, но сега е достапна и стабилна верзија. Заедно со Android Studio официјално е достапна и Developer Preview верзијата на Android 8.1.
Првата верзија на Android 8.1 е достaпна единствено на Pixel 2 и Pixel 2 XL, Pixel, Pixel XL, Pixel C, Nexus 5X, Nexus 6P, и на Android емулаторот. Новитетите во новата верзија се однесуваат на оптимизација кај AndroidGo уредите; нови Neural Networks API за вештачка интелигенција; подобро автоматско пополнување на податоци и Shared memory API, кој овозможува споделување на меморија за податоци кои вообичаено се користат.
Новата верзија на Android Studio 3.0 сега овозможува побрзо развивање на апликациите и поддршка за Kotlin. Новитет е и поддршката за нови функционалности на Java 8. Подобрен е и Layout Editor за подобра контрола при „drag-and-drop“. Сепак можеби најважнa надградба, е побрзиот „build“, токму ова е причината за скок од 2.4 на 3.0. Целата листа на промени може да ја прегледате на блогот на Google.
Развивачите може да ја преземат Android Studio 3.0 верзијата од стабилниот канал или да ја остават постоечката верзија да се надгради.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
