Google најде интересно решение да му конкурира на Microsoft и неговиот Office Mobile пакет. Најновата верзија на Аndroid оперативниот систем ќе доаѓа со бесплатната Quickoffice апликацијата со која може да се едитираат Office документи и презентации.
Google ја купи Quickoffice во 2012-та година, па откако беше објавена Quickoffice за iPad, следеа и iPhone и Android верзии на апликацијата. Од неодамна овие мобилни верзии се комплетно бесплатни за сите Android и iOS корисници, што е предност пред Office Mobile апликацијата за која мора да имате претплата за Office 365. Quickoffice има интеграција со Google Drive што го олеснува складирањето на документ.
